المقادير
خيزو منقي مقطع مربعات صغيرة
كرعة خضراء منقية ومقطعة مربعات صغيرة هي ايضا
4 ضروس ثومة مشلظة رقيقة
كنعملو خيزو فالكسكاس على البخار مع 2 ضروس ثومة ونخليوه حتى يطيب
نفس الشيء مع الكرعة خضراء نعملوها فالكسكاس مع 2 ضراس ثومة حتى طيب
نخويوهم فمقلاة نضيف شوية زيت زيتون وملح وابزار وكمون وقزبور ومعدنوس ونقيطات من عصير الحامض
واللى بغات تزيد فيهم شوية مطيشة حك تزيدها الامر اختياري ومجرد اضافات
كنشحروهم حتى يتشربو التوابل ونقدموهم مع المشاوي اولا مع الحوت
بالصحة والراحة
إرسال تعليق