السلام عليكم ورحمة الله تعالى وبركاته
المقادير اللى غادي نحتاجو للمسمن هي
العجينة ديال الرغايف الكلاسيكية والمعتمدة ديمن
2زلايف دقيق فورص وزلافة فينو وملح وماء دافي للعجين
نعجنو العجين مزيان نخليوه اطلق ونعاودو نعجنوه ثاني مرة ومخصوش يكون رطب بزاف خصو يكون قاصح شوية باش تحكمي فيه فتوراق ومن تشكليه
كنقرصو العجين على شكل كويرات ونخليوهم يطلقو وحنا موجدين خليط زبدة وزيت المائدة
بنسبة ليا كنفضل زيت نوار الشمس
كنورقو كلة كويرة على الشكل المعتاد وحنا كنرشو بدقيق الفينو بين كلة طوية
ونخليوه جانبا وندوزو نوجدو الحشوة اللي هي عبارة عن
رابعة الكفتة.ملح.ابزار.سكنجبير.نصف معلقة صغيرة فلفلة حلوة.درس ثومة محكوكة اولا شوية ثومة غبرة
بنسبة للخضر
بصلة بيضاء كبيرة مشلظة رقيق وفلفلة خضراء واختياري تزيدي فلافل الوان مقطعة رقيق
2جزارت منقيات ومحكوكات رقيق و2 كرعات خضرين منقيين ومحكوكين رقيق
2 معالق معدنوس مقطع.شوية زيتون اخضر مقطع حلقات ونحطو شوية للتزيين
100 جرام جبن احمر محكوك
الطريقة
في مقلاة كنعملو معلقة زيت المائدة ونشوحو فيها البصلة والفلفلة حتى يدبالو ونظيفو عليهم خيزو والكرعة وحنا كنحركو حتى تدبل الخضر ثم نظيف الكفتة والعطرية كلها ونمعسو بمعلقة خشبية مزيان حتى تفتت الكفتة وتطيب ونزيدو عليها المعدنوس وزيتون مقطع
ونطفيو عليها ونخليوها حتى تبرد مزيااان باش ما تمزق لينا العجين وهي سخونة
كناخدو مربع من العجين اللى سبق لينا وورقناه على الطريقة الكلاسيكية ديال المسمن
كنعملو وسط من كل مربع شوية حشوة ومن فوق شوية جبن محكوك
ونمع القنات ونحاولة نفتحو بصوابعنا الجوانب كما هو مبين فالصورة باش تبان الحشوة ويعطيو منظر وردة
ونسدو فوق كلة مربع بحلقة زيتون اخضر
كنستفوهم فلاطة فرن وندخلوهم يطيبو على نار مهيلة وهومة كيطيبو كيتقرمشو ويجيو بحال بسطيلة فالتقرميش ديالها
كنقدموهم بصحة والراحة واي استفسار مرحبا
إرسال تعليق