adstop

 



السلام عليكم ورحمة الله تعالى وبركاته

طبق رئيسي  محضر بالفراخ محشية بالقمرون والشعرية والفطر



المقادير


5حبات كوكلي صغير كل واحدة تزن 800 جرام


الشرمولة اللى غندهنو بيها الفراخ عبارة عن



بصلة واحدة مشلظة
حامضة مصيرة محيدين منها الزريعة ومقطعة مكعبات
3 دويمات الزعفران الحر
1دامة واحدة ديال الثوم
3 ضروس ثومة مشلظة
ربع حزمة قزبور
ربع حزمة معدنوس
ملعقة كبيرة موطارد
نصف ملعقة صغيرة ملح
نصف ملعقة صغيرة ابزار
نصف ملعقة صغيرة اسكنجبير
ربع كاس زيت المائدة
وربع كاس ماء
كنعملو كل شيء في الخلاط الكهربائي ونطحنوه حتى نحصل على خليط كثيف ونخليوه جانبا ونمر لتحضير الحشوة









لتحضير الحشوة نحتاج

250 جرام من القمرون المنزوع القشرة.مع الاحتفاظ ببعض الحبات للتزين

القشرة نغليوها فالماء اللى غادي نصفيوها منه من بعد ..ونرقدو فيه الشعرية الصينية

علبة 150 جرام من الفطر المعلب نصفيوه من الماء ونغسلوه ونستقطروه 
100 جرام جبن احمر محكوك
2 جبن مثلث
2 ملاعق زبدة
بكية صغيرة شعرية صينية
عصير نصف ليمونة حامضة
ملعقة كبيرة من الخردل اي الموطارد
ملح حسب الدوق
ربع ملعقة صغيرة ابزار
1 دامة ديال ثومة
قطرات من صلصلة الصوجا تقريبن ملعقة صغيرة

الطريقة

كنرقدو الشعرية في ماء قشور القمرون.بعد مرور ربع ساعة نصفيها ونخليها تستقطر جانبا
في مقلاة نضع ملعقة زبدة ونضيف عليها الفطر نقلبوه مزيان فيها حتى يتشحر ونضيف له شوية ملح وشوية ابزار
بعد دلك نضيف القمرون منقي ونحرك حتى يقرب القمرون على الاستواء تقريبن 4 دقايق كافية
كنطفيو عليه ونضيفه للشعرية ونضيف باقي المكونات
الاجبان والملح والابزار وعصير الحامض والموطارد والثوم بودرة كنحركو مزيان وندوزو باش نعمرو الفراخ ديالنا


 



الحشوة اصبحت عندنا جاهزة



كنحتافظ بشوية منها في انية للتزيين مع رقائق صدر الديك رومي مدخن



طبعا الفراخ مغسولين جيدااا بالليمون الحامض والملح ونغسلوهم مزيان ونخليوهم يستقطرو حتى ينشفو عاد ندوزو باش نعمروهم





كنعمرو الفراخ بقدر كافي من الحشوة وقبل ما نجمعو الفخدين ندهنهم مزيان بالشرمولة اللى سبق وحضرتها بين الجلد والصدر وبين الجلد والافخاد ونجمعو الرجيلن بخيط غدائي باش متخرجش منهم الحشوة ونشرملوهم مزيان من الجوانح والضهر والصدر ونستفوهم فوق ورق زبدة في طاوة الفرن ونحطوهم على الصدر ونغطيهم بورقة زبدة اخرى وفوق بورق المنيوم 
نخليهم 3 ساعات في الفرن من تحسيهم طابو كنزول الورق ونخليهم يتحمرو حتى ياخدو لون دهبي بلا متحتاجي تدهنيهم باي حاجة اخرى


 حبات القمرون اللى حتافظت بيها للتزيين
كنعملوها تسوطى في مقلة مع معلقة زبدة ورشة ملح وابزار

الخضر المرافقة

فلافل الوان مشوية ومنزوعة القشرة ومقطعة الى شرائح رقيقة بالطول

بطاطا صغيرة مصلوقة فالماء ونقشرها ونصوطيها في معلقة زبدة وملح وابزار ومعلقة معدنوس

خيزو منقي ومقطع ومبخر هو واللوبيا خضراء

ونسوطيهم في مقلاة مع ملح وابزار وشوية زبدة وشوية معدنوس

طماطم سوغيز للتزيين

خس فريزي مغسول منقي وممسوح بفوطة 

زيتون اخضر مشرمل بالربيع والثوم وزيت زيتون وملح وابزار ومعدنوس

زيتون مشرمل بالهريسة الحارة



اما الصلصات المرافقة

فهي

كمية متساوية من 


المايزنيز
الكتشب
موطارد
قطرات من صلصلة الصوجا
ملعقة معدنوس مقطع رقيق
هريسة كنزين بيها من فوق الصلصة للي يعشقون الحار وبواسطة عود اسنان كنعمل خطوط عشوائية كتزيين 






من بعدما تحمرو الفراخ كنخرجوهم من الفرن ونزولو الخيط الغدائي برفق

كنقدم الفراخ مزينة باعواد فيها القمرون والخيار صغير مخلل

رقائق صدر الديك رومي مدخن كنلويهم على شكل كورني ونعمرهم بالحشوة التي سبق واحتفظنا بالقليل منها كتزيين 
كنعملوها بين الصدر والافخاد كما هو موضع في الصورة

والتزيين طبعا اختياراي كلن على حسب دوقه


الشكل النهائي للطبق















الحمد لله الدي بنعمه تتم الصالحات

إرسال تعليق

 
Top