آلسلآم عليكم ورحمة آلله تعآلى وبركآته
المقادير
مقادير الطبقة الاولى
ستة6معالق كبار زيت+6معالق كبار سكر سنيدة+6معالق كبارحليب سائل+8ملاعق كباردقيق فورص
خمارة حمرة وحدة مآ يعآدل ملعقة صغيرة بيكنج بآودر+قبصة ملحة+1فانى+قشرة ليمون حامض محكوكة+2بيضات
مقادير الطبقة الثانية
اربعة4دانون يومي او بيرلي او كريمي
كاس كبير وربع حليب غبرة نيدو+سكر حسب الدوق+1فاني
مقادير الطبقة الثالثة
زوج2فلان فاني او كراميل ديال 2 دراهم
كاس كبير عصير البرتقال ما يعادل ربع ليتر وشوي
سكر حسب الدوق
الطريقة
كنخلطو مقادير الجينواز وندهنو المول بزبدة ونرشوه بطحين
نخويو فيه الخليط ندخلوه الفرن حتى تطيب وتاخد لون دهبي نخرجوه ونخليوها على جنب حتى تبرد
نخلطو 4دانون فالخلاط الكهربائي مع سكر حسب دوق ونيدووالفاني..نخلطوهم مزياان
نصبوهم فوق طبقة الجينواز وهي باردة
نعاودو ندخلوه الفرن ونكون شاعلين العافية فوق من وجه الخليط وتكون مهيلة حتى نحسوه نشف وقصاح ويكون محتافظ باللون الابيض دياله
نخرجوه وندخلوه ثلاجة حتى يبرد
نحضرو الفلان بعصير البرتقال وسكر حسب الدوق نحطوه فوق نار مهيلة حتى كيغلي ..كنكون خرجنا المول من الثلاجة وستفنا فوق من الطبقة الثانية الفواكه ..تفاح او اجاص او نوع فواكه بغيتو..انا درت تفاح مقطع جوانج رقيقة فالجوانب وفالوسط حطيت مشماش مقطع رقيق وعسلته فشوية سكر
كنخويو خليط الفلان فوق منه وندخلوه يبرد مزياان فثلاجة وقبل التقديم كندهنوه بناباج( اختياراي اللى معندوش ناباج بلاش منه)
تقدم بآردة
إرسال تعليق