بسطيلة الدجاج على شكل وردة

السلام عليكم ورحمة الله تعالى وبركاته

الوصفة منقولة من احد المنتديات

المقادير والطريقة

الخليط الاول

_2دجاح (كيلو و نصف في الواحد)+ شوية ديال الحبق+نصف بصلة+ورقة سيدنا موسى+شوية سكين جبير طري+2روس تومة+شوية الملح+ليقامة ديال الدجاج مشوي (موجودة بالمحلات التجارية) +صوص الصوجا+ شوية الزيت

نديرو البصل و الحبق في الماء يتصلق 5 دقائق ونزيدو عليه ما تبقى من الخليط الاول ملي يطيب نحيدو اللحم على العظم ونخليو الطروفة كبار مع الاحتفاظ بالمرق جانبا.

الخليط التاني

_كيلوا بصلة+صوص الصوجا+ شوية الزيت +الملح نشحروهم.

الخليط الثالث

_مرق الدجاج +البصلة المشحرة+الخليط الاول (الدجاج مقطع)+2معالق سنيدة لكاسوناد la cassonade حمرة (موجودة بالمحلات التجارية) + معلقة الهريسة خضرة او العادية+حك ديال الحليب الكوك (موجود بالمحلات التجارية)+ ليقامة ديال الدجاج مشوي+ 250 غرام فورماج gruyère محكوك + معلقة لصوص kikkoman نخلطوالكل مزيان ثم نرجعوهم يتشحرو فوق البوطة مزيان ملي يتشحر+ نزيد عليه بكية فرميسيل (الفرميسيل يكون مصلوق في الماء)+ صوص الصوجا+ 2ضامات كنور ديال الحوت.

فورماج gruyère

_بالنسبة لورقة بسطيلة خاصة 2 كيلو و ربع .

_ندهن اللاطة بالزيت مزيان نحط ورقة في الوسط فوقها ورقة في الجناب مع الدهن باصفر البيض او ورقة في الجناب الاخر + الحشوة في الوسط و ورقة اخرى في الوسط او نجمعوهم كلهم بحال البسطيلة العادية مع الدهن باصفر البيض

_اما بالنسبة لشكل الوردة ناخد نصف ورقة في الجناب ندهن باصفر البيض ثم نجمع الورقة على شكل دائري او بلي هكى كيعطينا وردة و نكملو حتى نوسلو للوسط ناخد ورقة كاملة و نحطوها و نلصقو باصفر البيض