السلام عليكم ورحمة الله تعالى وبركاته
هادي كرواصة خديت طريقتها من عند الاخت الزين الواضح الله يجازيها كل خير وصدقاات فنة خفيفة ومورقة من داخل وشهوة منها
ننصحكم تجربوها
المقادير :
كيلو ديال الدقيق الابيض الممتاز
3معالق كبار سكر سنيدة
معلقة صغيرة ملح
1خميرة الحلوى
2معالق كبار خميرة الخبز
2بيضات
كاس كبير حليب ما يعادل ربع ليتر
كاس كبير اللبن طري ما يعادل ربع ليتر
الطريقة :
كندوبو الخميرة فشوية دالحليب
ثم كنخلطو جميع النواشف فالعجانة ونضيفو البيض والسوائل والخميرة
العجينة تيخصها تكون رطبة وخفيفة تنغطيوها حتى تخمر ونقسموها الى 9 او 8 كور
ونبداو نسرحوهم بالمدلك والدقيق حتى نولي رقيقة وشفافة.
وندهنوها بزبدة على حرار المطبخ
وندلكو الكرة الثانية ونحطوها على الاولى اللى
دهنا وهكدا الى نهاية المطاف حتى نكملو الكور كلها والاخيرة ندهنو وجهها بالزبدة ونعملو الحشو على حسب ادواقكم ..عملت كريم باتيسييير مع شكلاط وكونفيتير فريز.ثم كنقطعو الدائرة على شكل مثلثات متساوية وفاش كنلويو الهلاليات نخليوهم حتى يخمرو وندهنوهم بصفر البيض اللى خلطنا معه نقيطات من الخل وشوية دنسكافيه
الكرة الثانية حتافظت بها على جنب صايبت بيها السينابون جا غزاااال وطريقة تحضيره على هدا الرابط
/
/
فطيرة السينابون اللديدة من مطبخي
الصور كتبين لكم جميع المراحل واي استفسار انا حاضرة
/
/
فطيرة السينابون اللديدة من مطبخي
هنا نحاولو نقلبو الوجه الفوقاني ديال الطبقات للتحت باش نقادو الورقات وحدة على وحدة عادا باش ندهنو بالزبدة ونعمرو 
إرسال تعليق