السلام عليكم ورحمة الله تعالى وبركاته
لتحضير الجينواز اللى استعملت حاجتنا
للمقادير التالية
5بيضات.120غرام من السكر صقيل.120غرام من الدقيق الابيض المنخول.1خميرة واحدة او ما يعادل 7غرام من بيكنج باودر.قبصة ملح.ما يعادل 7 غرام من الفانيلا او ساشي
بداية كنفقصو البيض ونزيده عليه سكر كلاصي والملح والفاني
نبداو بالطراب الكهربائي نطربه مدة 10 دقائق حتى يولي الخليط مثكاثف وثقيل ومرغوي
بعدما يصبح الخليط مرغوي نضيف الدقيق والخميرة شوية
بشويةواحنا كندورو الملعقو الخشبية فوق تحت وليس بالدوران
كما هو موضح فصورة
ونصب خليط الجينواز ونسرحه بالملعقة
وندخله الفرن على درجة حرارة مهيلة بزاف واحد نص ساعة بالكثير
هكدا تيكون لونها فاش كطيب
بعدما خرجتها من الفرن
قلبتها فوق زيف باش نلويها فيه وتاخد الفورمة
هنا كما هو موضح وباين لويتها فالزيف وخليتها واحد شوية حتى خدات فورمتها
الشكلاط ورقائق اللوز والسيرو باي نكهة بغيتو
فقط للحشو
نعيد فتح الجينواز وندهنوها كلها بالسيرو بواسطة فرشة مطبخ
من بعد كنخويو من عليها كريمة الشكلاطة المكونة من
شكلاط ومعلقة كبيرة زبدة دوبتهم فحمام مريم وطليتها بيهم
ورشيت من فوق لوز افيلي
نعاودو نلويوها ونغلفوها ببلاستيك غدائي ونخليوها واحد ساعتين
فيه او اكثر حتى تقبط مزيان
بعدها كنزولو البلاستيك باش نزينوها بالكريمة
نكونو طلعنا الشونتيي وغطينا بيها الحلوى كلها وحتى فالجوانب ونعملو تدرجات بواسطة فرشيط
في هاد الاثناء كندوبو شكلاط فحمام مريم ونخويوه فوق بلاستيك
غدائي ونسرحوه بواسطة ملعقة ونعملو فيه اشكال عشوائية
باش نزينوها بيه
نزينها بالشكلاط ونغربلو عليها شوية شكلاط غبرة من فوق بواسطة مصفاة رقيقة وندخلها الثلاجة تبرد لوقت التقديم
الشكل النهائي لجدع الشجرة
الحمد لله الذي بنعمه تتم الصالحات
ما شاء الله و تبارك الله عليك فطوم جاتك غزاله الله يعطيك الصحه
ردحذفالله يبارك لي فعمرك حبيبتي نااني..منورة البلوق ديالي ازين وتوحشتك وغبوورات هادي ياربي تكون بخير
ردحذفتبارك الله عليك احبيبة جاتك فنة ماشاء الله
ردحذف