السلام عليكم ورحمة الله تعالى وبركاته
اليكم أنواع المورانك و فاش تنخدمو بيهم .
المورانك هو خليط خفيف كالثبج جدا و يتكون اساسا من
عنصرين و هما ابيض البيض + السكر و هو يدخل في استعملات
كثيرة اد يذخل في بعض الكريمات و في بعض ليموس les mousse
و ايضا في بعض البسكوي les biscuit و في التزين و في وصفات عديدة .وهو 3 انواع و هي
1 * مورانك فرنسية meringue française ( تتكون من ابيض البيض + سنيدة نطرب الاييض لوحده اولا و عاد نزيد السنيدة شوية بشوية و تسمي هذه الطريقة
en pluie و هاد المورانك في المورامك المعروفة و العادية و لي تنخدمو بيها في
الكيك و هي تدخل في تحضير الكيك او البسكوي .)
2 * مورانك سويسرية meringue suisse (تتكون من ابيض البيض و السكر نضعهم في انية و نديرو ليهم بان ماري و نحرك
بالفوي حتي تدوب سنيدة نحيدوه و نضري بالباتور حتلا يبرد لينا مزيان و يطلع و يعطي اللمعان نستعمله في الكريمات ككريمة الزبدة و في التزين التارت كطبقة فوق كريم الحامض و ممكن في الماكرون )
3 * مورانك ايطالية meringue italienne ( تتكون من
ابيض البيض + سيرو بالماء و السكر نطلع ابيض البيض
بالباتور جيدا و نطيبو سيرو بالسكر والماء حتى يصل الى
درجة121 درجة و نصبوه فوق لابيض مع التطراب المستمر
حتى نحصل على مورانك لامعة و تستعمل في الماكرون او
الكريمات او في بعض لالموس او طبقة وسط حلوى تخلط
بالنوكا ونديروها او في حلولا تسمى nougat glace و في عدة وصفات اخرى .
لنجاح المورانك
* يجب اخد انية نقية جدا و نجففها جيدا من الماء ولا نقطة ماء تبقى
* ابيض البيض طري
* يدين نقيتين و مجففتين جيدا
* الباتور ايضا مايكونش فيه نقطة ماء
و بهكدا نضمن مورانك طالعة مزيان
هكدا غادي عرفتكم انواع المورانك و غادي يسهال عليكم تعرف كل نوع مما يتكون و كيف و فيما تستعمل .
إرسال تعليق