لتحضير هاد السلطة حاجتنا فالمعجنات اللى كيعجبونا..عملت شكل الفيونكة وشكل الفيس الوان
الرز
الخضر المتوفرة عندك.بطاطا مقطعة مربعات ومصلوقة او مبخرة احسن مع جزر منقي ومقطع مربعات وايضا مصلوق او مبخر..لوبيا خضراء منقية ومقطعة ومبخرةجلبانة حتى هي يا نبخروها او نصلقوها.بالنسبة ليا دائما كنفضل البخار لانه ببه الخضر كتحتافظ على الفيتامينات ديالها اكثر بكثير من الصليق
نخلطو الخضار كاملة كما هو ملاحظ فالصورة مع المعجنات اللى صلقنا فماء وشوية زبدة وشوية ملح
كدلك الرز نصلقوه فماء مملح شوية وشوي زبدة
نضيف التونة والصلصة المعتمدة للسلطات بما فيها.ملح ابزار+كمون+شوية زيت زيتون او اركان او زيت نوار الشمس+عصرة حامض او قطرات من الخل
نخلط الملح اولا مع الخل لين يدوب من بعد نضيف الكمون وابزار والزيت واحنا كنخفقو لين نحصل على صلصلة فينيكريت
لما نخلطو المكونات كلها مع الصلصة ناخد اناء دائري نفرشوه بالبلاستيك الغدائي كي لا تلتصق السلطة مع الاناء ويسهل علينا قلبها في اناء التقديم
نصب فيه السلطة كاملة ونضغط بايدنا وندخلوها الثلاجة حتى تشد شوياا
ثم بعد دلك نقبلها في الصحن اللى غنقدموها فيه وكما مبين هاهي اخدت شكل الاناء ولما قلبتها عطت شكل مثل الطورطة
ثم ندهنها كاملة بالمايونيز ونزين الحواشي بالتونة والوجه بصلصة الكتشب ..نحط الكتشب ببلاستيك غدائي ونعمل ثقب صغير نشكل خطوط طولية.ومن بعد ناخد سكينة نمررها على الخطوط مرة نازلين والعكس من جديد مرة طالعين وهكدا لين ياخد وجه السلطة هاد الشكل
حواشي الطورطة نزينها بالباربا مصلوقة ومحكوكة.
إرسال تعليق