كيلو دالسردين متوسط منقى محيد له السلسلول والاحشاء انا مول الحوت نقاه لية واللى بغات تحيد له غي الراس والاحشاء وتخلي السلسول فمعليش غيجي تماااما بحال المعلب
شلشلتو وخليتو يستقطر من الماء ومن بعد ستفته فكوكوت (طنجرة الضغط) كلة سردينة كنطويها باش ترجع للشكيل ديالها
ستفتو كلو الطبقة الاولى
عليها الطبقة الثانية
من بعد ضفت عليه ملح+ابزار+كمون راس معلقة صغيرة 4وراق الرند (موسى)
كاس عنبة زيت مخلطة فيها زيت بلدية وزيت نوار الشمس
كاس عنبة ماء وعملت فيه عاشق كبيرة مطيشة الحك
خويتهم على السردين وحطيت دوائر الحامض فوق
وسديت الكوكوت مزيان وحطيتها على عاافية مهيلة بزاف وتقريبن كيوجد في45 دقيقة
مرة مرة حركي الكوكوت ونتى غتحسي بيها واش شربات الماء اولا باقى
كاين اللى كيزيد الخل انا الحامض جاني حسن منه
واللى بغات الحرور تزيد مزاود او الهريسة
صورة الاولى هية فاش حليت عليه الكوكوت فاش حسيتو شرب الماء وبقات غي الزويتة
وقبل بغيت نشير لكم لحاجة آخرى
اننى نصبته على اساس انه سردين معلب بمطيشة...اللى بغاتو غي بالزيت تكتفي بيها مديرش عاشق مطيشة دالحك وبنفس المقادير الاخرى والطريقة كله
إرسال تعليق