كروفيت رابعة عملته في مقلة مع طريف دزبدة ومليحة+ابزار+كمون+2دروش ثوم+2وريقات سيدنا موسى+شوية طحميرة+قزبر ومعدنوس مقطعين رقيق
كنشحرو فهاد العطرية وطلق لي الميهة دياله حيث كان عندى مكونجلي.من بعدما شفته قرب ينشف ضفت له هبرة الحوت أبيض درتها من قبل فكسكاس باش تفور فيه والماء اللى عملت فالبرمة عملت فيه ورقة سيدنا موشى و3دروس ثوم وطريف دالحامض..شيء 20 دقيقة زولتو ونقيته من الشوك وهاهو ضفته على خليط القمرون وخلطتهم باش اشربو الاقامة مزيان وفالاخير ضفت لهم معيلقة دصوص صوجا وعصير حامض جهد نصف حامضة...خليطي نشف مزيان طفيت عليه وضفت له زيتون مقطع اخضر وشعرية شنواز مرقدة ومقطعة وليشومبينيون معلبين مقطعين ديجا.الحرور اللى كيعجبوها تزيدهم انا سربيتهم معها حيث كاين اللى مكياكلش الحرور....دهنت مقلة بالزبدة ودرت فراش الورقة..جمعتها ولصقت الفتحات وبين الورقات بخليط مكون من شوية دقيق فورص وشوية مااء ودهنتها مزيان بالزبدة من برى باش تجي مقرمشة ودخلتها للفران على نار مهيلة محد الفران كيطيبها بالخاطر محدها كتقرمش
بعدما طابت سربيتها فطبق مفرشة فيه اوراق الخس زينتها بالحامض وقطع من الفروماج أحمر.
إرسال تعليق