السلام عليكم ورحمة الله تعالى وبركاته
شبآكيتي اللي
كندير ديما وعمرني نغيرها حيث ببساطة كتجي غزالة فالمداق وشاربة العسل وهشيشة
المقآدير كتآلي
2 كيلو دقيق/2 قراعي ماء زهر صغار/300g زنجلان محمر شوية ومطحون مزيان/200gلوز مقشر ومطحون مزيان ومغربل/2معالق كبار قرفة/2معالق كبار نافع مدقوق ومغربل/2معالق كبار حبة حلاوة مدقوقة ومغربلة/2كيسان عنبة زيت المائدة/كآس ونصف زبدة مدوبة عنبة/بيضة كنعبرو بيها الخل/شوية ملون اصطناعي وقبصة زعفران حر طلقناه فشوية ماء دافئ حتى يطلق مزيان ونصفيوه/صفر بيضة/راس أصبع خميرة الخبز/ شوية كوزة نحكوها بحكاكة رقيقة شوية فقط/ ماء دافئ تقريبن نص كاس.. اللى يخلي العجينة تتدلك وتجمع
الطريقة
كنخلطو النواشف مزيااان وحبة حلاوة والنافع منطحنوهمش حتى نبغيو نبداو باش كتبقى ريحتهم عاطية فالشباكية
(النواشف كنعاودو ندوزوهم كلهم فالغربال رقيق باش تى حاجة متبقى ممنساجمة وتفاديا للوز او الزرارع ممنيلينش ويثقبو لنا العجينة منين نبغيو نخدموها فالالة او بالمدلك)
من بعد كنظيفو زبدة وزيت وماء زهر والزعفران اللى طلقنا فشوي دالماء دافيء وندلكوها مزيااان وايلا خصنا باقى الماء نزيدو غير شوية فقط ما يخلي العجينة تتجمع ومتكونش رطبة نخليوها قاصحة شوية لانها محدها كطلق كترطاب
كنعجنوها مزيااان مزيان وهدا سرها باش كتجي شاربة العشل من داخل وهشيشة..اقلها 10 دقائق وايلا عندك العجانة عجنيها فيها وقسميها الى كويرات وعمليهم فبلاستيكات غدائية
ثم منين ترتاح واحد 5 دقائق نبداو فالتدلاك .عندك آلة صنع الباسطا فيها غتورقي وتهنياي من تمارة ديال الدلاك.وايلا معندكش ستعيني بالدلاك
والتقطاع والتشباك ديالها كيف هو موضح فصور الشرح
الزيت للقلي والعسل فاش نرميوها فيه
فاش نهزوها من الزيت نرميوها فالعسل داافئ فقط وماشي سخون باش منوقعوش فمشكل انها مدخلهاش العسل وتجيكم ناشفة من بعد..
النتيجة كتكون احسن من تنطفيوها فالعسل داافئ قريب يبرد
كنزشو عليها زنجلان او لوز .التزيين اختياري
إرسال تعليق